Modas de Santu Giolzi In Ischirìa (*)
Modas 1
S’iscampagnada a Nostra Signora
2
3
4
5
Sa torrada ‘e Peppinu Buccia ‘ e Fae
6
Santa Lughia bella, sa festa ‘e cabidanni
Torna a Cantos
photo© fulgenzio
www.manuelfurru.eu
S'iscampagnada a Nostra Signora
1.
cantaiana sos cunfrades
in sa processione ‘e Pasca,
su rettore preigaìada intro sa chegia,
intro ‘ e chegia preigaìada
ma nisciunu l’intendiada,
sa conca già a sa banca aparitzada.
Tottu custu ch’est attesu
vida chi ch’est varigada,
s’anzone ‘e Pasca
una die l’an ispresu !
cuss’anzone a sa sola s’est ispresu.
Pero eo m’ammento ancora
tempos de s’iscampagnada
a nostra Signora ‘e Crasta.
Cuddos carros copeltos de lidone
paltìan a manzanada
cun fiores rugios,
ogios de piseddina
chi apenas s’aberiana;
comente s’arriviat
si poniat tottu a cumone.
Tottu a cumone tando si poniat:
tiliccas, casadinas,
panadas e angelottos,
o solu macarrones
chie ateru no aiat,
e a ultimu unu bicculu ‘e turrone.
Cando poi s’intraiat in su piattale
fit pienu ‘e zente de onzi leada:
chie approdaiat pro lu meraculare,
chie pro si garrigare
imbreagheras corales
cantu sa cantonada
de cussa chegia antiga.
In su gancellu si faghiat sa fila,
bennidos dae tottue
in carru, a pe’ o a caddu:
chie aispettaiat a fronte ‘e su palattu,
chie frundidu in un oru, a una chigina,
a una chigina frundidu in un oru
ca fit paltidu e no b’aiat mezzoru,
e a mesudie s’aiat buffadu tottu.
Su piuere alciaiat a sa currina
de sas criaduras,
e calchi muntagnina
cun sas vunneddas rugias
a Nostra Ignora li gighiat su votu,
chi fit o pro meraculu retzidu
o pro calchi disizu chi aiat fattu.
Sigomente aiat fattu su disizu
calcuna li daiat fena oraria,
e basciu basciu don Zua remoniat,
riendhesìla e tanchende su calasciu.
A chegia piena isumpende
ritzu subra s’altare
ancora mi l’ammento
a don Bragia, abboghinende:
Bessidemiche a fora – e ite diaulu !
tottu cantos andade in oromala,
meda bi cheret a bider chi no ch’ada
nemmancu loghigheddu ‘e giaghinare,
de giaghinare no ch’at mancu logu.
Le modas nella tradizione metrica sarda hanno
una struttura basata sulla variazione interna dei versi
e la suddivisione in strofe (fiores) di sei o otto versi.
Queste modas sono invece a struttura libera e la variazione dei versi ha un andamento irregolare o occasionale. Il termine di moda è quindi utilizzato
come sinonimo di ballata. Santu Gioldzi, inoltre, è il
re del carnevale. Ischirìa è la variazione mitizzata
di un villaggio reale: alla lettera significa lo stelo o stecco dell'asfodelo (almutu).
L'utilizzo del termine moda darà sicuramente fastidio ai felìbri, rigidi e talvolta astiosi custodi della tradizione poetica e metrica intesa come un guscio di noce rinsecchita che va sempre mantenuto così com'è, anche quando il sapore è diventato un po' stantìo.
Viviamo in un mondo evolutivo. E anche la cultura, l'arte, la poesia, quindi anche la metrica, si evolvono, mutano, si sviluppano.
2.
Sa chegia fit astrinta
e aiat regione, cuddu poverittu,
tottu sa feminalza chi intraiat
ispinghende che li ruiat a subra,
e nde l’ischidaiat cuddu battazu
chi – meda naraian – cando creschiat
pariat una criadura…
Tue conca e azu !
si no bi crese pone s’iscummissa !
ponebi s'iscummissa si no crese
chi cussa cosa che fit cantu una rese.
E mamas giraian sa chegia in tundu
cun fizos chi gighiana calchi male:
giraian pianu pianu
invochende sa Mama soberana
pro chi saneret su male de sa carre.
Giùnas dae manzana,
cuddas coltzas,
a prima sera ancora fin girende
ca no sempre sa Mama cunsentiat.
E no bi mancaiat mai cuss’Antoneddu,
unu lantadu chi eniat dae Belchiddeddu,
si no m’ammento male eniat dae incue.
Perricaiat a bidda a donzi festa,
e giraiat onzi piatta, onzi carrera
pariat comente gioghende a tene fue.
In piatta 'e chegia o in piatta ‘e su melcadu
tottora chilcaiat unu cozolu,
unu cozolu chilcaiat tottora,
si frimmaiat e nde la ogaiat a fora.
Boghendhende s’atretzu frimmaiada
asi, a dainanti ‘e tottu
b’esseret chie si siat…
già no si l'irrugìat su colzolu.
Malevadadu !
Nisciunu aiat coraggiu
a narrere: " A la finis, nah !"
o de giamare gualdia o marisciallu;
si femina bi passaiat accultzu
faghiat finta ‘e no bider,
mancari poi si l’iscacalliaiat
sutta s'isciallu.
E-i cuddu entulende sa bandela,
fena chi b’aiat bentu a istare ritza,
poi cando l’arriviat sa tremuledda,
si che la torraiat comente nudda,
e sighiat a girare, seriu seriu.
E seriu seriu sighiat a girare,
a boltas si poniat fena in cravatta,
e no s’iscumponiat né fit istraccu,
ca tantu, cuddu colzu, isse fit maccu…
Isse a sa festa ‘e nostra Ignora ‘e Crasta
no bi mancaiat mai, pedende grascia,
inginugiadu a dainanti ‘e s’altare,
pedende calchi soddu in su gancellu,
a onzunu chi intraiat.
Su pagu chi resessiat a bruscare
andaiat a lu dare a Nostra Ignora,
e don Zua, riendhesindhe, remoniat.
No pro si lu mantenner in busciacca,
pero avessende si daian cun fiacca.
Una tradizione è viva quando, mantenendo in tutto
o in parte le strutture e i canoni, li sa anche innovare e sviluppare. Ovviamente, questo non entrerà mai
nell'orecchio del felìbro che per conformazione
mentale è sordo ad ogni innovazione e, se potesse,
vorrebbe impedirla o proibirla.
Ma il "raglio" del felìbro raramente si eleva
all'altezza di una collina: e quel che in realtà
custodisce gelosamente è proprio la sua
pochezza e la sua irrimediabile ottusità.
A costoro si può solo ricordare un detto che i miei
primi maestri di cantos e contos amavano ripetere spesso:
"Lassa fagher sas morroculas" (lascia che le trottole
girino)
"E chie las frimmat est iscontza-giogu"
(chi cerca di fermarle non sa stare al gioco).